22 наурыз күні Астана қаласының «Жерұйық» саябағында қазақтың киіз үйі тігіліп, іші ұлттық нақышта безендіріліп, наурыз мерекесі өткізілді. Шараны ұйымдастыруға мұрындық болған қалалық мұрағаттың ұжымы наурыз мерекесінің өз дәрежесінде тойлануына барынша атсалысты. Ұлттық жиһаздардан бастап текемет, тұскиіздердің түрлерімен жасандырылған киіз үй көпшіліктің назарын аударып, үлкендердің батасын алды. Қыз ұзату жабдықтары, ұлттық киім үлгілері секілді ерекше безендірілген қазақи өрнектер киіз үйдің сәнін кіргізді.
Сондай-ақ, наурыз мейрамына лайықты мол дастарханның дәмінен ауыз тиген көпшілік ризалықтарын білдіріп жатты.
